REMATAMOS O TRIMESTRE CUNHA CHOCOLATADA

DESPOIS DUN TRIMESTRE DE MOITO TRABALLO...
REPUXEMOS FORZAS GRAZAS A UNHA FANTÁSTICA E SABROSA CHOCOLATADA

ESTE ANO NO NADAL ESTIVEMOS TRABALLANDO AO REDOR DA FIGURA DO APALPADOR:
- APRENDEMOS CANTIGAS
- INVESTIGAMOS SOBRE O APALPADOR
- LEMOS CONTOS E VIMOS VÍDEOS
E...
FIXEMOS A FIGURA DO APALPADOR

CO GALLO DO DÍA DA CONSTITUCIÓN

O ALUMNADO DE 2º ESTIVO REFLEXIONANDO SOBRE A NECESIDADE DUNHAS NORMAS QUE GARANTAN OS NOSOS DEREITOS E LEMBREN OS NOSOS DEBERES.
FALAMOS DA CONSTITUCIÓN E SIMULAMOS UNHA VOTACIÓN COMO A DE 1978, SÓ QUE NESTA VOTACIÓN O QUE SE VOTOU FOI A "CONSTITUCIÓN DAS AULAS".
VELAQUÍ ALGUNHAS IMAXES

ONTE: UN DÍA ESPECIAL DE XOGOS

Despois do recreo fixemos xogos baixo a dirección dunhas monitoras da Coruña. Formamos 3 grupos e fomos alternando os xogos. Pasámolo ben e repasamos nomes en galego. Por alí andaba un señor da voz de Galicia facendo fotos... igual saímos no xornal!

O DÍA DO MAGOSTO NO COLEXIO

HOXE NO COLEXIO CELEBRAMOS O MAGOSTO:
COMEMOS CASTAÑAS E...
XOGAMOS CON DIFERENTES ACTIVIDADES LÚDICAS RELACIONADAS COA FESTA. VELAQUÍ UN EXEMPLO:

UN OUTONO DE MAGOSTO E SAMAÍN

NESTES DÍAS ESTAMOS TRABALLANDO TAMÉN SOBRE AS FESTAS TÍPICAS DO OUTONO.
POLO COLEXIO VEREDES:
- A DECORACIÓN DE CABAZAS
- OS FROITOS DE OUTONO
- AS FASES DO MAGOSTO
- AS CANTIGAS DE SAMAÍN
- AS RECEITAS DE HALLOWEEN
....

MAFALDA VÉN Á CLASE DA MAN DE LAMPI

HOXE É O DÍA DA BIBLIOTECA.
PARA CELEBRAR O SEU DÍA LAMPI TRÓUXONOS UNHA SORPRESA: UNHA TIRA CÓMICA DE MAFALDA.
ESTE ANO CELÉBRASE O 50 ANIVERSARIO DA PUBLICACIÓN DA 1ª TIRA CÓMICA DE MAFALDA E, ADEMAIS, AO SEU CREADOR (QUINO) DÉRONLLE O PREMIO PRÍNCIPE DE ASTURIAS DE COMUNICACIÓN.
NÓS TRABALLAREMOS UN POUCO SOBRE MAFALDA E LEREMOS VARIAS DAS SÚAS TIRAS CÓMICAS.

MÁIS SOBRE O PROXECTO DO UNIVERSO

COA INFORMACIÓN NA CLASE...:
- LÉMOLA
- COMENTÁMOLA CO RESTO DA CLASE

ELABORAMOS UN LIBRO SOBRE O UNIVERSO, ASÍ QUE FACEMOS A PORTADA.

ANOTAMOS O QUE SABEMOS DO UNIVERSO NO MURAL

ANTÍO XA CHEGOU AO COLEXIO

DENDE QUE ESTAMOS NO COLEXIO ANTÍO VÉN TODOS OS ANOS POLO OUTONO.
XA SABEMOS QUE VÉN PORQUE ESTÁ MOI PRETO O MAGOSTO.
QUE PROBLEMA TERÁ ESTE ANO?
SEGURO QUE NOLO CONTARÁ NUNHA CARTA!
A VER SE O AVERIGUAMOS A VINDEIRA SEMANA!!!

SEGUIMOS NO PROXECTO SOBRE O UNIVERSO

ESTAMOS INFORMÁNDONOS SOBRE O QUE QUEREMOS SABER DO UNIVERSO.
TROUXEMOS A CLASE MOITA INFORMACIÓN.
PUXÉMOLA EN COMÚN EN GRAN GRUPO.
POUCO A POUCO IMOS RESUMÍNDOA E ESCRIBÍNDOA NO MURAL DE PROCESO.

TAMÉN IMOS FACER UN LIBRIÑO COA INFORMACIÓN, IMOS ESCRIBILA USANDO A ESTRATEXIA COOPERATIVA DE LAPIS AO CENTRO.

AVERIGUAMOS QUE SABEMOS SOBRE O UNIVERSO

COA ESTRATEXIA "NA PRAZA DO POBO" ESTIVEMOS AVERIGUANDO QUE SABIAMOS SOBRE O UNIVERSO.
A VERDADE É QUE SABEMOS MOITO, PERO TEMOS MOITAS DÚBIDAS E HAI QUE INVESTIGAR...

E HOUBO XUNTANZA COAS FAMILIAS

ESTE MARTES AS MAMÁS E OS PAPÁS VIÑERON AO COLE.
TIÑAN UNHA XUNTANZA PARA FALAR DO QUE APRENDEREMOS ESTE CURSO.

LAMPI VISITA AS NOSAS CLASES

LAMPI DEIXOUNOS UNHA MENSAXE.
A EL TAMÉN LLE GUSTA INVESTIGAR SOBRE O UNIVERSO.
EMPRÉSTANOS UNS LIBRIÑOS, QUE DESPOIS DEBEREMOS IR COLOCAR Á BIBLIOTECA.

INICIAMOS O PROXECTO SOBRE O UNIVERSO

NESTA SEMANA INICIAMOS UN PROXECTO...
IMOS TRABALLAR SOBRE O UNIVERSO.
ESTIVEMOS VENDO O QUE SABIAMOS EN EQUIPOS E DESPOIS FIXEMOS POSTA EN COMÚN EN GRAN GRUPO. SABEMOS MOOOOOITO SOBRE O UNIVERSO, PERO TAMÉN TEMOS MOITAS DÚBIDAS E CURIOSIDADES.
TRABALLAREMOS NA VINDEIRA SEMANA COA ESTRATEXIA "NA PRAZA DO POBO" PARA COMPLETAR A INFORMACIÓN DO QUE SABEMOS.

ESTAMOS NA NOVA CLASE

TEMOS ALGÚN NENO NOVO NAS CLASES. FIXEMOS XOGOS DE PRESENTACIÓN E ACOLLIDA, TODOS OS DÍAS ALGÚN.
BUSCAMOS O NOSO SITIO NA CLASE CUN XOGO.
ESTAMOS A LEMBRAR A S NORMAS DO CURSO PASADO E FACER UNHAS NOVAS PORQUE SOMOS MAIORES.
SABEDES?
MELLORAMOS ALGO A LECTURA, MAIS INDA TEMOS QUE MELLORAR MÁIS...
A MASCOTA MANDOUNOS UNHA CARTA INTRIGANTE E ESTAMOS INVESTIGANDO COUSIÑAS QUE NOS DIXO.SEGUIREMOS INFORMANDO...

PREPARADOS PARA 2º?

DENTRO DUNS DÍAS COMEZARÁN AS CLASES.
MISCA, MATI E TODAS E TODOS VÓS VERÉMONOS O DÍA 10.
PASASTES BEN AS VACACIÓNS?
NÓS PASÁMOLO MOI BEN EN MASCOTILANDIA. LEMOS, DEBUXAMOS, ESCRIBIMOS, CANTAMOS, XOGAMOS...
TAMÉN VISITAMOS LUGARES NOVOS E TIVEMOS EXPERIENCIAS FANTÁSTICAS.
XA VOLO CONTAREMOS POR CARTA.
DEICA PRONTO!

REMATOU O CURSO

ESTA SEMANA REMATAMOS O CURSO.
TRABALLAMOS E APRENDEMOS MOITO, AGORA NO VERÁN DESCANSAREMOS.
VERÉMONOS EN SETEMBRO EN 2º.
BO VERÁN!

ACOLLIDA AO ALUMNADO DE INFANTIL DE CINCO ANOS

HOXE RECIBIMOS AO ALUMNADO DE INFANTIL DE CINCO ANOS NAS NOSAS CLASES.
ENSINÁMOSLLES O NOSO MATERIAL.
TAMÉN LLES DIXEMOS COMO FUNCIONAN AS NOSAS AXENDAS.
FOI ESTUPENDO, INTERCAMBIAMOS AGASALLO.
A NÓS SERVIUNOS PARA LEMBRAR QUE O CURSO PASADO ERAMOS NÓS QUEN VISITABAMOS 1º... COMO PASA O TEMPO!!

SAÍDA AO PARQUE DE BOMBEIROS

O día 12 de xuño, os primeiros fomos de visita ao Parque de Bombeiros de Pontevedra.

Os bombeiros enináronnos mooitas cousas : os traxes, as ferramentas que usan, os coches, as lanzas, o coxín, a espuma, as escaleiras, a canasta,... como se comportan nos casos de salvamento, o que debemos facer nós neses casos, etc,etc

Encantounos a visita.

RECITAMOS POEMAS PEQUENOS PARA OUTRAS CLASES

O VENRES 6 DE XUÑO, 1º A E 1ºB RECITÁRONSE OS SEUS POEMAS.
 1º A CO POEMA O lapis
E  1ºB CON Rata linda de Compostela

PODEDES VER AQUÍ ALGUNHAS DAS FOTOS DO EVENTO

VISITAMOS A EXPOSICIÓN SOBRE MULLERES AO LONGO DA HISTORIA E TOMAMOS NOTAS

ESTA SEMANA ESTAMOS VISITANDO EN GRUPOS COOPERATIVOS A EXPOSICIÓN QUE PUXEMOS NO COLEXIO SOBRE "MULLERES AO LONGO DA HISTORIA E AS SÚAS ACHEGAS".
IMOS Á EXPOSICIÓN CUN FOLLETO ONDE TEMOS QUE RECOLLER NOMES E DATOS.

UN NOVO PROXECTO VAI NACER NA CLASE

IMOS INICIAR UN NOVO PROXECTO...
QUEREDES SABER SOBRE QUE?
A VER SE ACERTADES CON ESTAS PISTAS...

E PRETO DO DÍA DAS LETRAS GALEGAS... TRABALLAMOS A XOSÉ Mª DÍAZ CASTRO

NAS NOSAS CLASES APARECE UNHA PREGUNTA SOBRE XOSÉ MARÍA DÍAZ CASTRO...
AXUDARÉDESNOS A CONTESTALA?

DESPOIS SEICA IMOS GRAVAR A RESPOSTA EN VÍDEO!!!

DESPOIS DE VER O AGASALLO DO DÍA DO LIBRO QUE NOS FIXERON NO BLOG, NÓS AGASALLAMOS ÁS NOSAS COMPAÑEIRAS E AOS NOSOS COMPAÑEIROS DE 1º RECITANDO POESÍAS QUE APRENDEMOS NAS CLASES.
HOUBO INTERCAMBIO E 1ºA FOI RECITAR A 1ºB E VICEVERSA.
 GUSTOUNOS MOITO FACELAS E DEBUXALAS.

BO DÍA DO LIBRO!

O DÍA 23 DE ABRIL FOI ELIXIDO COMO DÍA INTERNACIONAL DO LIBRO, POIS COINCIDE ESA DATA COA DO FALECEMENTO DE TRES ILUSTRES ESCRITORES MIGUEL DE CERVANTES, WILLIAM SHAKESPEARE E  INCA GARCILASO DE LA VEGA.

UNHA CARTA DE VILAVERDIÑO CUNHA PETICIÓN

A VILAVERDIÑO GÚSTALLE A POESÍA. DÍXONOLO NUNHA CARTA QUE ACABAMOS DE RECIBIR.
PÍDENOS QUE LLE RECITEMOS ALGUNHA E NISO ANDAMOS.
ESTAMOS APRENDENDO UNHA POESÍA EN 1º A E OUTRA EN 1ºB PARA RECITARLLA A EL E ÁS OUTRAS CLASES DO COLE.
QUEREDES SABER CAL É? POIS... PREGUNTÁDENOS A VER SE LEMBRAMOS ALGO DELA.

UNHA VISITA MOI INTERESANTE: A POLICÍA NACIONAL

A polícía nacional veu ao cole o día 14 de marzo para o primeiro ciclo.
Chegaron ás 10 da mañá.
As caras das nenas e dos nenos indican a ledicia que sentiron coa visita.
Aprenderon moito e pareceulles pouco tempo.
 

UNHA DATA PARA LEMBRAR

O 8 DE MARZO É UNHA DATA PARA FALAR DA IGUALDADE.
NA CLASE IMOS TELA MOI EN CONTA. IMOS LER ALGUNHA BIOGRAFÍA E REFLEXIONAR SOBRE A NON DISCRIMINACIÓN.
DURANTE O MES IMOS INVESTIGAR SOBRE MULLERES QUE CONTRIBUÍRON COS SEUS ESTUDOS E TRABALLO AO DESENVOLVEMENTO DA HUMANIDADE.
QUEREDES AXUDARNOS?
MENTRES LEREMOS UNHA HISTORIA...

A FESTA DO ENTROIDO

TANTO TRABALLAR SOBRE COMIDA, PROXECTO DE ALIMENTACIÓN, ENSALADA DE CONTOS,... DE QUE IAMOS IR DISFRAZADAS E DISFRAZADOS?

CLARO, NON? DE COMIDA!

E COMO NOS GUSTAN MOITO OS OVOS FRITIDOS...
 

O LIBRO QUE LEMOS NESTE TRIMESTRE E A ANIMADORA RAQUEL QUEIZÁS

VISITOUNOS - AO ALUMNADO DE 1º- A ACTRIZ E CONTACONTOS RAQUEL QUEIZÁS O VENRES 21 DE FEBREIRO.
O ACTO TIVO LUGAR NA BIBLIOTECA
PRIMEIRO FIXO A ANIMACIÓN DO CONTO "Mis amigos los piratas", UN LIBRO QUE LEMOS E QUE NOS ENCANTOU.
DESPOIS FIXO DÚAS ANIMACIÓNS MÁIS DOUTROS CONTOS.
METÉMONOS TANTO NA HISTORIA QUE ATA ESQUECEMOS ATA DE ONDE ESTABAMOS. AO FINAL REGALÁRONLLE DEBUXOS QUE FIXERAN.
RAQUEL FIXO PASAR AO ALUMNADO UNHA SESIÓN DELICIOSA DEMOSTRANDO QUE, COMO ELA DI QUE que " a imaxinación é moi poderosa".
 

AÍ VÉN UN ENTROIDO CHEO DE COMIDA!

ESTE CURSO COAS COMIDAS, COCIÑANDO CONTOS, PROXECTO DE ALIMENTOS,...
DE QUE CREDES QUE IMOS DISFRAZARNOS?

A NOSA MASCOTA XA NOS ESCRIBÍU PARA LEMBRARNOS QUE CHEGA O ENTROIDO E TAMÉN RECIBIMOS DE LORETO UNHA NOVA PÁXINA... SABEDES QUE LEVA NO SEU PETO? LEVA FILLOAS E DISFRACES DE FROITAS.

ASÍ QUE NOS IMOS POÑER A TRABALLAR!... TENTANDO FACER O NOSO DISFRACE E Á VEZ PREPARANDO AS PLUMAS PARA O GALO VILAVERDIÑO.
CANTO QUEDA POR FACER!

TRABALLAMOS SOBRE ENSALADAS DE CONTOS

O CONTO CLÁSICO ENTROU NAS NOSAS AULAS E ESTIVEMOS PRACTICANDO CUNHA ENSALADA DE CONTOS PORQUE... TEREMOS QUE AXUDAR AO COLEXIO A ELABORAR UN CONTO UNINDO VARIOS CONTOS E POÑENDO COMIDAS... XA VOS ENSINAREMOS COMO NOS QUEDA.

E IMOS AO TEATRO

HOXE IMOS AO TEATRO... XA VOS CONTAREMOS...
A OBRA DE TEATRO TIVO LUGAR NO TEATRO PRINCIPAL.
TITULÁBASE "O príncipe e o parrulo".
FOI INTERESANTE E DIVERTIDA, RIMOS BASTANTE.
 AO MESMO TEMPO QUE NÓS TAMÉN FOI O ALUMNADO DE 4 ANOS DO NOSO COLE.

VISITA Á BIBLIOTECA

O 22 DE XANEIRO FOMOS Á BIBLIOTECA PÚBLICA.
FOI UNHA VISITA MOI INTERESANTE, VIMOS AS PARTES DA BIBLIOTECA E DESPOIS ASISTIMOS A UNHA ANIMACIÓN DE CONTO:
"A CEBRA CAMILA"
TAMÉN LEMOS LIBREMENTE.
PRIMEIRO A FOI UN CHISQUIÑO ANTES E PRIMEIRO B DESPOIS.
CANDO AGARDABAMOS NA PLANTA BAIXA PARA IR Á BIBLIOTECA TIVEMOS A SORTE DE COÑECER UNS PINTORES DE CADROS QUE ESTABAN ALÍ EXPOSTOS E FALÁRONOS SOBRE A HISTORIA DE CADA CADRO E AS TÉCNICAS QUE EMPREGARON PARA FACELO.

PROXECTO SOBRE ALIMENTACIÓN

ACABAMOS O PROXECTO SOBRE AS PLANTAS...
SABEDES QUE HAI PLANTAS QUE SE COMEN? NÓS TAMÉN. PERO HAI MOITAS PLANTAS COMESTIBLES QUE NON COÑECEMOS... INVESTIGAREMOS.

IMOS AVERIGUAR QUE MÁIS SE PODE COMER E COMO SE COMEN. FALAREMOS DE COMO ESA COMIDA ENTRA NO NOSO CORPO E...

PERO ANTES AVERIGUAREMOS QUE SABEMOS XA. USAREMOS UNHAS IMAXES PARA DEBATER EN GRUPOS COOPERATIVOS E COMPLETAREMOS CUN ENREIXADO DE CADROS NO QUE POÑEREMOS DATOS E CUN ESQUEMA DE COMO SE PRODUCE A DIXESTIÓN...

XA VOS CONTAREMOS COMO SEGUIMOS

TRABALLAMOS EN CONTRA DO ACOSO

ESTES DÍAS IMOS TRABALLAR EN CONTRA DO ACOSO.
APRENDEREMOS QUE É ACOSO E COMO PREVILO.
FALAREMOS DE COMO AXUDAR.
ELABORAREMOS CARTEIS E ESLOGANS.