REPASAMOS MATEMÁTICAS CO ORDENADOR

CERTAME DE POESÍAS E CHISTES

Hoxe tiveron lugar as lecturas dos poemas premiados no CERTAME DE POESÍA. O alumnado de Primaria xuntouse no patio despois do recreo e os gañadores recibiron dipolomas e agasallos polas súas poesías.

Actuou o coro do colexio  cantando a cantiga "Dorna" de Manuel María.

A continuación, chegou o momento da contada de chistes. Tamén houbo premios para os mellores chistes de cada grupo.

RECITAL DE POEMAS e CHISTES en 3º e 4º

Hoxe nos corredores e 4º, xuntámonos os grupos de 3º e 4º para recitar as poesías gañadoras do CERTAME DE POESÍA con motivo da celebración do DÍA DAS LETRAS GALEGAS 2016. Tamén escoitamos os chistes que representarán aos nosos grupos na sesión conxunta do venres día 20.

CORPOS XEOMÉTRICOS

Temos no cole varias caixas con diferentes corpos xeométricos que estamos a clasificar e comparar con obxectos da vida cotiá...ou con monumentos famosos...

CONCERTO DA GRAMOLA GOMINOLA

Hoxe todo o alumnado e profesorado do noso cole asistimos a un concerto moi divertido e animado dentro das actividades previstas polo DÍA DAS LETRAS GALEGAS 2016. 

O grupo GRAMOLA GOMINOLA interpretou un variado repertorio do seu primeiro traballo discográfico que foi presentado con moita marcha  e alegría...

O XOGO DO CHIFLO

Hoxe visitounos na biblioteca un personaxe curioso chamado CHIFLO. Fixemos un obradoiro moi interesante -decoración dun cubo- con diferentes probas para achegarnos a historia, monumentos, personaxes importantes e lendas da nosa cidade. Esta actividade foi posible coa colaboración do concello de Pontevedra.

Asi organizamos a tarefa:

1º-Comparamos fotos antigas e modernos de seis localizacións emblemáticas de Pontevedra (cara cor azul)

2º-Pasamos a linguaxe Braille o texto dun poema de Manuel María sobre a nosa lingua (cara cor vermella)

3º-Debuxamos a Urco, segundo a descrición narrada (cara cor negra)

4º-Escribimos o nome de personaxes senlleiras vinculadas a nosa cidade (cara cor verde)

5º-Escollimos unha tradición ou festividade típica (cara cor amarela)

6º-Montamos un pequeno libriño sobre a lenda de Teucro (cara cor crema)

DÍA XENIAL NO SALGUEIRAL

Hoxe o alumnado de terceiro visitamos o Sagueiral na parroquia de Bora para participar dunha actividade coordinada por Anias [Xestión e formación sociocultural], coa colaboración da Comunidade de Montes do Salgueiral e o Concello de Pontevedra.

A actividade achegounos ao proceso artesanal da lá: 

-Rapa dunha ovella.

-Lavado e cardado da lá.

-Mostra das ferramentas de fiar (fuso, roca).

-Proceso de tinguido natural.

-O tear.

O noso percorrido, no que fomos guiados polos monitores de Anias e o Señor Evangelino,  levounos por varias fincas e casas de veciñas e veciños que amosaron con cariño, dedicación e paciencia información sobre un modo de vida que se nos fai moi alonxado no tempo, pero que forma parte das nosas raíces, da nosa cultura e tradición.

Escoitamos con moita atención as explicacións do Sr. Basilio e o Sr. Evangelino, ademais de visitar o eirado da casa, a lareira e forno dos De Simón.

Tamén houbo tempo de merendar e xogar un pouco.
Foi un día especial que esperamos poder repetir.

XXII CROSS ESCOLAR VILAVERDE

O alumnado de 3º na categoría BENXAMÍN  participou o sábado, 7 de maio, no cross escolar organizado no noso colexio pola ANPA.

Valoramos a ilusión, o entusiasmo e o esforzo amosados por todo o alumnado e as familias participantes.

ACTIVIDADE DE CETRERÍA

Hoxe tivemos unha curiosa visita na biblioteca e no patio do cole. Desde Figueirido, procedentes da Brigada Galicia VII (Unidade do Exército de Terra Español), Hermione e Patriota, dúas aguias harris centraron toda a nosa atención. Estaban acompañadas por dous militares que amablemente achegáronnos ao mundo da cetrería. 

Primeiro, Nuria, militar coidadora destas aves, fixo unha presentación na pantalla da biblioteca, explicou e contestou ás nosas preguntas. As dúas clases de terceiro estabamos moi atentas e procuramos ter a máxima concentración para non "poñer nerviosa" a Hermione que seguía a charla como unha alumna máis. Recordamos cousas aprendidas sobre as aves e aprendimos moitas novas sobre esta especie de falcón.

-Patriota é a mascota e aparece no emblema da Brilat Galicia VI, sae voando nos seus desfiles.

-Pesa aproximadamente 1 kg e ten 50 cm de alto con case 2 m de envergadura cas súas ás despregadas.

-Encántalle o baño e xogar coa coidadora.

-É moi querida na base e moi sociable.

-A súa comida preferida é a codorniz.

-Non se leva ben cos cans.

-Adoita subirse ao alto dunha árbore (ou tellado...como asi demostrounos) para observar todo o que a rodea.

Despois baixamos ao patio para observar como Patriota voaba de brazo a brazo entre os dous coidadores...ata que cansa despois dunha mañá de exhibicións cos diferentes cursos, decidiu voar máis alto e observarnos desde o alto da cuberta do patio. Entón achegámonos, en orde e seguindo instruccións dos coidadores, para agarimar a Hermione. Nese momento, Patriota decidiu baixar e tamén deixouse "acariciar" antes da nosa despedida.

REPRESENTACIÓNS GRÁFICAS

Estes días pasados que traballamos coa prensa atopamos noticias que viñan acompañadas de gráficas. Tamén en Ciencias Sociais cando traballamos cos mapas e cando buscamos información sobre vilas e cidades atopamos diferentes representacións. Eso levounos a interpretar diferentes modelos de gráficas e comentar como aparecen os datos.

Clicando na seguinte imaxe podemos traballar estas representacións e resolver moitos e variados problemiñas:

PROBLEMAS CON GRÁFICAS

MANUEL MARÍA ENTRA NA CLASE

MANUEL MARÍA ENTROU NO COLEXIO DA MAN DAS MASCOTAS.
CHEGOU UNHA CARTA Á CLASE CUN POEMA SEU E CONVIDÁRONNOS A INVESTIGAR SOBRE A SÚA VIDA.
SABEDES QUEN É?
MENTRES O AVERIGUADES AQUI VOS DEIXAMOS ALGO DOS SEUS POEMAS

SIMULACRO de EVACUACIÓN

Hai uns días que repasamos como deberíamos actuar no caso dunha emerxencia. Estaba previsto un simulacro de evacuación para esta semana. Visionamos un par de videos, localizamos as sinais coas saídas marcadas nos corredores, vimos o plano co camiño marcado que temos na clase, practicamos o percorrido, marcha das filas, situación no punto de encontro, reconto do alumnado...comentamos posibles emerxencias...e chegou o día.

Todo o cole realizamos unha evacuación do centro co simulacro dun incendio.
Como curiosidade, algunhas fotos dos previos e do simulacro de hoxe ás 10 da mañá:

XERMINACIÓN DE SEMENTES

Durante a última quincena fixemos o seguimento a varias sementes colocadas en botes de vidro con algodón e auga. Fomos observando, día a día, a evolución e anotamos, de cando en vez, a evolución...

Hoxe na clase vimos con moito entusiasmo os seguintes time-lapse de xerminación que queremos compartir coas nosas familias:
-  Feixón trepador -catro semanas en 2:39-

-  Landra ata pequeno carballo -oito meses en 3:02-

 

POLÍGONOS

Clica na imaxe para ver un video explicativo

CONTACONTOS NA BIBLIOTECA

Hoxe na Biblioteca do centro e por xentileza da editorial SM recibimos a visita da contacontos RAQUEL QUEIZÁS.
Falamos do libro "LA GEOMETRÍA DEL FARAÓN" que estivemos a traballar durante o segundo trimestre. Fixemos xogos de animación lectora cos personaxes e a trama do libro. Recordamos informacións traballadas sobre Exipto. Foi moi divertido, pasóusenos o tempo rapidísimo...como mostra algunhas fotos da sesión: