RECTAS E ÁNGULOS

Clicando na imaxe e poderás ver video explicativo.

PROXECTO AQUALOXÍA

Hoxe recibimos unha visita moi especial, dous "simpáticos científicos" achegáronnos información sobre a auga. Repasamos O CICLO NATURAL DA AUGA para traballar despois sobre os usos que se fan con ela,  como chega  ás nosas casas, os tratamentos que son necesarios para poder bebela ou para devolvela ao medio natural e como aforrala.

Na  pantalla seguimos a historia do ciclo urbano da auga cos personaxes de Aqualoxía. Tamén fixemos uns pequenos experimentos. Agora estamos "concienciados" e "comprometidos" coa importancia da auga e o medio ambiente...
 Esta actividade foi posible coa colaboración de Aquagest e o concello de Pontevedra.

REPASAMOS AS HORAS

Video explicativo do reloxo analóxico e dixital. Horas e minutos.

Visitamos CALDAS DE REIS e a fábrica CLESA

Por fin chegou o día!!! 

Levamos un tempiño preparando con moita ilusión a nosa saída a Caldas de Reis e a fábrica de CLESA na parroquia de Saiar. Buscamos nos mapas, en internet e tamén na prensa...queríamos ter as previsións do tempo, localizar a vila e as instalacións de CLESA nos diferentes mapas (políticos, físicos e de comunicacións), comparamos distancias e opcións por estrada ou autoestrada. Traballamos tamén coa páxina web do concello http://www.caldasdereis.com/index.php

Na vila de Caldas de Reis realizamos un pequeno percorrido polo centro coa axuda de Luís do Departamento de Cultura e Turismo do concello. Vimos unha réplica do tesouro de Caldas no Auditorio, visitamos a fonte das Burgas con dous caños e o lavadoiro de augas quente, os muíños de auga, o paseo fluvial, pontes, a onde foi a pedra da torre de Dona Urraca... e o parque coa carballeira e Xardín Botánico declarados BIC (Bens de Interese Cultural). Escoitamos explicacións de xeografía, de historia, anécdotas...tamén xogamos e merendamos. 

 



Ás doce da mañá chegamos ás instalacións de CLESA.
Carlos Taboada e Kike Mauricio (Polo correo do vento) foron os nosos anfitrións. 

Falamos de leite galego, muxir, tanques, pasteurización, conservación, produtos lácteos, envasados, etiquetas...tamén da historia da vaca Chenoa e o boi Roi....de ilustracións...e cos consellos de Carlos e Kike debuxamos moitas vacas. Degustamos uns riquísimos iogures. Seguimos o percorrido das diferentes fases do proceso desde uns grandes ventanais para non interferir o traballo do persoal e manter a hixiene do proceso.

Que rápido pasou a mañá!!! Cantas cousas que contar...
 

LECTURA CONTINUADA DO QUIXOTE NA BIBLIOTECA

DESPOIS DE ESTAR TRABALLANDO TODOS ESTES DÍAS SOBRE CERVANTES E O QUIXOTE,
HOXE PARTICIPAMOS NA LECTURA CONTINUADA QUE TIVO LUGAR NA BUBLIOTECA...

O XORNAL

HOXE LAMPI FÍXONOS CHEGAR UN XORNAL DO DÍA A TRAVÉS DAS NENAS E DOS NENOS DE 6º. FOI UN SINAL PARA COMEZAR A TRABALLAR UNHA SEMANA COA PRENSA.
VEREMOS AS NOVAS MÁIS IMPORTANTES, TRABALLAREMOS SOBRE A ESTRUTURA DO XORNAL, SOBRE A ESTRUTURA DA NOTICIA, ... LEREMOS E ESCRIBIREMOS.
DAS NOTICIAS QUE MÁIS NOS CHAMAN A ATENCIÓN SON AS RELACIONADAS COAS PLANTAS (O NOSO PROXECTO NESTA QUINCENA) E EXIPTO (O PROXECTO QUE VIMOS DE REMATAR)
QUÍ VOS DEIXAMOS ENLACES DE NOVAS RELACIONADAS CON AMBAS TEMÁTICAS.
UNHA NOVA
OUTRA MÁIS
E AÍNDA OUTRA
E ESTA SOBRE EXIPTO

"ROEDORES" NO PAZO DA CULTURA

Dentro dos espectáculos promovidos pola organización do Salón do Libro está tamén o teatro.

Os grupos de 3º asistimos a representación da obra "ROEDORES" do grupo REDRUM TEATRO, que conta as aventuras do hámster Peludiño e a rata Munda. A obra tratou duns roedores que deben aprender a traballar en equipo para vencer o temido Gato. Ao final descobren que son máis parecidos do que eles pensaban e que as diferenzas os fan especiais. Na clase traballaremos a descrición dos personaxes e comentaremos a obra...

CERVANTES E O SEU 400 ANIVERSARIO

TODO O COLEXIO TRABALLA SOBRE CERVANTES E O SEU CUARTO CENTENARIO... NÓS TAMÉN!
VEMOS A BIOGRAFÍA DESTE ESCRITOR, A SÚA OBRA, TRABALLAMOS SOBRE O QUIXOTE,..
ELABORAMOS A MARIONETA...
E NA FIN DESTA SEMANA FAREMOS LECTURA CONTINUADA DA OBRA LITERARIA MÁIS IMPORTANTE DE CERVANTES PARA CELEBRAR TAMÉN O DÍA DO LIBRO

TRABALLAMOS SOBRE AS PLANTAS

AS PLANTAS SON AGORA A TEMÁTICA DO NOSO PROXECTO.
INVESTIGAMOS SOBRE ELAS E A SÚA IMPORTANCIA, A NALIZAMOS OS SEUS ELEMENTOS, OBSERVAMOS O CRECEMENTO E VEMOS CON MICROSCOPIO E LUPA ASPECTOS DELAS.
TEMOS UN DIARIO PARA SEGUIR O CRECEMENTO DALGUNHAS PLANTAS E UN CADERNO DE LABORATORIO PARA A OBSERVACIÓN CON LUPAS E MICROSCOPIO.
XA VOS IREMOS CONTANDO.