E O TRIMESTRE REMATOU... CUNHA CHOCOLATADA!

COMO NESTES ÚLTIMOS CURSOS O ANO REMATA CUNHA CHOCOLATADA.
ESTE ANO TIVEMOS UNHA MESA CUN MANTEL FERMOSO.
UN MANTEL VERMELLO COMO CORRESPONDE ÁS DATAS.
A CHOCOLATADA ESTIVO FANTÁSTICA E XA NON DIGAMOS A ROSCA... NON DEIXAMOS NADIÑA.

VISITA DE PAPÁ NOEL

UN ANO MÁIS VISITOUNOS PAPÁ NOEL.
ADIANTOUNOS UN AGASALLIÑO.
FOI MOI EMOCIONANTE

TARXETAS POSTAIS E INTERCAMBIO CON INFANTIL

APROVEITAMOS QUE FIXEMOS UNHAS MOI LINDAS TARXETAS PARA INTERCAMBIALAS CON INFANTIL.
FOI XENIAL IR ÁS CLASES DE INFANTIL D NOVO. NÓS RECIBIRÉMOS O ALUMNADO DE INFANTIL TAMÉN.
 

UNHA SESIÓN CO PAI DE MARTA DE 2º: TEATRIÑO

HOXE, O ALUMNADO DE PRIMEIRO ASISTIMOS A UNHA SESIÓN SOBRE TEATRIÑO.
O PAI DE MARTA, DE 2ºC, FOI O ENCARGADO DE FACERNOS PASAR UNHA SESIÓN MARABILLOSA.

AS TARXETAS DE NADAL

NESTES DÍAS ESTAMOS A TRABALLAR SOBRE AS TARXETAS DE NADAL: DEBUXOS QUE LEVAN, TEXTOS QUE SE LLE ESCRIBEN. A NOSA MASCOTA REMITIUNOS UNHA POSTAL NESTES DÍAS E NÓS TAMÉN IMOS FACER TARXETAS PARA INTERCAMBIARNOS CON... (XA VOS DIREMOS O SEGREDO)

PREMIOS DO CONCURSO DA FUNDACIÓN MENIÑOS

LEMBRADES QUE VOS CONTARAMOS QUE PARTICIPARAMOS NO CONCURSO DA FUNDACIÓN MENIÑOS SOBRE O DEREITO Á SAÚDE?
POIS O CENTRO RECIBÍU UN DIPLOMA POLA PARTICIPACIÓN TAN ESTUPENDA QUE FIXEMOS E ADEMAIS...
TIVEMOS PREMIADA E PREMIADOS!
- LUCÍA DE E. INFANTIL E DIEGO DE 1º LEVARON PREMIO DE DEBUXO
- MARTÍN DE 3º LEVOU PREMIO DE RELATO. HOXE FORON RECIBIR O PREMIO Á CASA DAS CAMPÁS. NORABOA!

UN DÍA XENIAL DE XOGOS QUE REMATARÁ A CAMPAÑA

A MAMÁ DE SANDRA DE 1ºB. ENSINOUNOS A XOGAR ÁS CHAPAS E A SALTAR Á GOMA.

PASÁMOLO MOI BEN!

O NOSO PROXECTO SOBRE AS PLANTAS SEGUE MEDRANDO...

ENTRE AS PLANTAS HAI UNHA ESPECIE MOI ESPECIAL...
SON AS PLANTAS CARNÍVORAS, XERALMENTE ALIMÉNTANSE DE INSECTOS PERO...

DÍA DA PALABRA E OUTRAS CELEBRACIÓNS DE NOVEMBRO

A PALABRA PROTAGONIZA A NOSA APRENDIZAXE DO TRIMESTRE.
APRENDEMOS A ESCRIBIR CON LETRA CURSIVA UNHA CHEA DE PALABRAS:

• PALABRAS DE CONTOS
• PALABRAS DE XOGOS
• PALABRAS SOBRE PLANTAS
• PALABRAS GRANDES E PEQUENAS
• PALABRAS QUE LEVAN MOITAS VOGAIS
• ...

AS PALABRAS ENCHEN OS LIBROS: OS QUE TEMOS NA BIBLIOTECA DE AULA, OS QUE NOS APARECEN EN FORMA DE TARXETA, OS QUE NOS SUXIREN AS MASCOTAS,...
NÓS IMOS RENDERLLE HOMENAXE ÁS PALABRAS (DÍA DA PALABRA: 23 DE NOVEMBRO)... FACENDO SOPA DE PALABRAS EN GRUPOS COOPERATIVOS! XA VEREDES QUE DE POTAS FACEMOS!

UNHA PALABRA FERMOSA É DEREITO. NESTE MES TAMÉN SE CELEBRA O DÍA DOS DEREITOS DA INFANCIA (20 DE NOVEMBRO). EN CURSOS ANTERIORES TRABALLAMOS O DEREITO A TER UN NOME, O DEREITO A TER UNHA FAMILIA, O DEREITO A IR Á ESCOLA,... ESTE CURSO TRABALLAMOS O DEREITO Á SAÚDE...
SAÚDE, OUTRA PALABRA FERMOSA. DESPOIS DE TRABALLAR CO DEREITO Á SAÚDE IMOS TENTAR DEBUXAR O QUE NOS SUXIRE ESE DEREITO PORQUE IMOS PARTICIPAR NO CONCURSO DA FUNDACIÓN MENIÑOS.

TAMÉN HAI PALABRAS FEAS, FEAS POLO SEU SIGNIFICADO E NON POLAS LETRAS QUE LEVA. UNHA QUE NON NOS GUSTA NADA É MALTRATAR.
TRABALLAREMOS SOBRE O QUE ENTENDEMOS POR MALTRATO EN GRUPOS COOPERATIVOS E LEREMOS ALGUNHA HISTORIA QUE NOS AXUDE NA LOITA CONTRA O MESMO (25 DE NOVEMBRO).

OS ÚLTIMOS XOGOS DA CAMPAÑA "ENSÍNANOS A XOGAR"

O MÉRCORES 20 de NOVEMBRO VISITOUNOS A NAI DE JULIA (5 ANOS) E VÍCTOR (5ºC).
ENSINOUNOS XOGOS COMO "El patio de mi casa" E "Pasimisí".
PASÁMOLO XENIAL.

 O MARTES 26, VIRÁ A MAMÁ DE SANDRA DE 1ºB. ENSINARÁ A XOGAR ÁS CHAPAS E A SALTAR Á GOMA.
 E TAMÉN TEREMOS ALGUNHA SESIÓN CON TÍTERES!
 

UN MAGOSTO MOI ESPECIAL

O MAGOSTO DESTE ANO ESTIVO CHEO DE XOGOS.
XOGAMOS CON XOGOS POPULARES QUE NOS EMPRESTOU O CONCELLO DEO GROVE.

ESTIVERON XENIAL!
DESPOIS TIVEMOS UNHA LUPANDA DE CASTAÑAS.
A VERDADE É QUE NOLO MERECIAMOS. TRABALLAMOS MOITO SOBRE O OUTONO E O MAGOSTO E ELABORAMOS UN CONTO PARA ANTÍO.

OS XOGOS E XOGUETES DE DONA TERESA

O 6 DE NOVEMBRO 1º RECIBIU A VISITA DE DONA TERESA DENTRO DA CAMPAÑA "ENSÍNANOS A XOGAR.

"Dona Teresa é a avoa de Hugo Durán de 1º A e naceu en Cotobade.
Contou moitas cousas aos enenos e ás nenas, entre elas que montou en coche por primeira vez aos 19 anos. Cando era nena non había coches nin motos no seu pobo e ata o médico tiña que ir a cabalo.
Non tiñan cuarto de baño na casa nin radio nin televisión. Seu pai veu de Brasil e fixo unha casa. Despois chegaron a Pontevedra e colleron un traspaso dun bar na rúa Charino. Na escola tiña vergoña porque as outras nenas falaban castelán e ela só falaba galego. Un día quixo ir ó cine Victoria pero a película era para maiores e tivo que volver para a casa e como se perdeu tivo que preguntar polo camiño para chegar a rúa Charino.
Non tiña bonecas e a primeira que lle compraron era de cartón; por iso, cando lle lavou os coloretes da cara quedáronlle dous buratos.
Ao seu irmán regaláronlle un chifro.
Outras cousas as que xogaban eran: peletre, escondite, pata coxa e comba.
Pasou o tempo e tivo outra boneca (sen pelo, con gomas nas mans e nas pernas e sen roupa) e iso era o único ó que xogaba.
 Seu irmán estodou máis e fixo moitos amigos.
 Pasado o tempo compraron casa en Mourente que é onde viven agora. O seu primeiro reloxo de pulseira tivo cando casou a súa filla.
Despois de contarlle cousas ós nenos e nenas de 1º, dona Teresa respostou as preguntas que lle fixeron, visitou as aulas de 1ºB e 1ºA e recibiu os abrazos cariñosos das nenas e nenos que tamén lle ensinaron espontaneamente os traballos que facían no colexio.
Cando era a 1 chegou a súa filla a recollela. Foi unha fermosa visita.

INICIAMOS UN PROXECTO NOVO

NAS CLASES ESTIVEMOS VOTANDO SOBRE QUE QUERIAMOS TRABALLAR E POR MAIORÍA SAÍU: "AS PLANTAS".
ASÍ QUE ESTA SEMANA ESTIVEMOS VENDO QUE SABIAMOS SOBRE ELAS... SABEMOS MOITÍSIMO
PERO... TEMOS DÚBIDAS E ELABORAMOS UNHA LISTAXE DO QUE QUEREMOS APRENDER E ONDE IMOS BUSCAR A INFORMACIÓN QUE PRECISAMOS...

LAMPI FAINOS AGASALLOS NO DÍA DA BIBLIOTECA

LAMPI MANDOUNOS UN CONTO, "O CLARO DO BOSQUE" PARA LER NO DÍA DA SÚA FESTA.
TAMÉN NOS AGASALLOU CUN TEXTO CIENTÍFICO, PORQUE ESTE ANO LAMPI QUERE QUE "LEAMOS CIENCIA".
ESTIVEMOS LENDO UN EXPERIMENTO E FIXÉMOLO!!
SABEDES QUE PODEMOS FACER UNHA PONTE CON PAPEL QUE RESITE MOITO, MOITO?
IMOS APROVEITAR A FESTA DE LAMPI PARA APRENDER NESTES VINDEIROS DÍAS MOITAS COUSAS SOBRE A BIBLIOTECA.
SABEDES QUE É O CDU?

E CHEGOU ANTÍO...

ANTÍO, A MASCOTA DO MAGOSTO CHEGOU AO COLE...
SEICA LLE CHEIRAN AS CASTAÑAS!
VEU PESIRNOS ELABORAR UN CONTO. ESTAMOS AGARDANDO QUE AS NENAS E OS NENOS DE 5 ANOS NOS REMITAN A HISTORIA PARA PODER CONTINUALA... SEGURO QUE NON VAI TER QUE VER COA OVELLA... OU SI?
O QUE SEGURO TERÁ QUE VER É CO OUTONO E CO MAGOSTO... IMOS POIS, REPASAR QUE SABEMOS DA CELEBRACIÓN DO MAGOSTO E SOBRE O OUTONO:
- QUE SE VISTE?
-  QUE TEMPO FAI?
- QUE FAN OS ANIMAIS?
- QUE LLES OCORRE ÁS PLANTAS?
- A QUE SE XOGA?
-...

UNHA IMAXE DUNHA OVELLA CHEGA Á NOSA CLASE

CHEGOU Á NOSA CLASE UNHA IMAXE DUNHA OVELLA.
 NON SABEMOS QUEN A TROUXO NIN POR QUE. PASARALLE ALGO Á OVELLA?
COMO SE CHAMARÁ?

 SEGURO QUE NUN DÍAS PODEREMOS RESOLVER O MISTERIO... XA VOS DIREMOS

O NOSO MINIPROXECTO SOBRE O PACÍFICO

ESTIVEMOS INVESTIGANDO SOBRE O OCÉANO PACÍFICO.
SABEMOS MOITAS COUSAS
O VENRES ESTIVEMOS POÑENDO EN COMÚN O QUE SABIAMOS ENTRE AS DÚAS CLASES E ANOTÁMOLO NUN PAPEL.
AGORA FÁLTANOS POÑER IMAXES.

AXIÑA COMEZAREMOS UN NOVO PROXECTO...

AS PRIMEIRAS ACTIVIDADES NA CLASE

NOS PRIMEIROS DÍAS DE CLASE ESTIVEMOS FACENDO TAREFAS MOI IMPORTANTES PARA QUE TODO VAIA BEN:
- APRENDEMOS NORMAS
- CONTÁMOSLLES DAS MASCOTAS ÁS PROFES E TAMÉN LLAS ENSINAMOS
- ELABORAMOS O NOVO CALENDARIO
- FORMAMOS OS EQUIPOS E FIXEMOS TRABALLOS GRUPAIS
- PRACTICAMOS DINÁMICAS E ESTRUTURAS COOPERATIVAS
- INVESTIGAMOS COUSIÑAS QUE NOS PREGUNTOU A MASCOTA, SOBRE TODO ESTIVEMOS APRENDENDO SOBRE O OCÉANO PACÍFICO
-...

NA NOSA CLASE DE 1º

XA ESTAMOS EN 1º!
ESTABAMOS UN CHISCO NERVIOSAS E NERVIOSOS, PERO... AGORA XA CONTROLAMOS A AULA, OS NOSOS EQUIPOS E ALGUNHA COUSIÑA MÁIS.

MISCA E MATI AGÁRDANNOS O DÍA 11

XA IMOS INICIAR O CURSO.
SERÁ O NOSO PRIMEIRO CURSO EN PRIMARIA.
MISCA E MATI VAN CONTARNOS O QUE FIXERON NAS VACACIÓNS.
QUE SERÍA?

A RESPOSTA O DÍA 11!